Намайг Батжаргалын Билэгтсайхан гэдэг, 1985 онд төрсөн. Хан-Уул дүүргийн уугуул иргэн, 20-р хороонд эхнэр, гурван хүүхдийн хамт амьдардаг.

Боловсрол:

• Бизнесийн удирдлагын докторын (Ph.D) хөтөлбөр, Тайваны Өмнөдийн шинжлэх ухаан, технологийн их сургууль (STUST) Дипломын сэдэв: “Хотын хөгжилд Big data анализыг ашиглах нь”
• Бизнесийн удирдлагын магистр, Хүмүүнлэгийн ухааны их сургууль
• Эдийн засагч, Санхүү эдийн засгийн их сургууль
• Нийслэлийн ХУД-ын ерөнхий боловсролын 7-р сургууль

Ажлын туршлага:

• “Эм Ай Си Жи” ХХК-ийн гүйцэтгэх захирал
• “Говь” ХК-д Сратеги төлөвлөлт, бизнес шинжилгээний албаны дарга
• “Барилга мн” ХХК-ийн Үл хөдлөх салбарын судалгааны албаны дарга
• “Хадгаламж банк”-нд эдийн засагч, “Тээвэр хөгжлийн банк”-нд ахлах менежер

Сайн байна уу? Намайг Батжаргалын Билэгтсайхан гэдэг 1985 онд төрсөн. Хан-Уул дүүргийн унаган иргэн, 20-р хороонд ажиллаж амьдарч ирсэн. Бага наснаас математик, физикийн олимпиадад идэвхтэй оролцож, бусдын адил хичээж зүтгэж олон ухаалаг хүүхдүүдтэй мөр зэрэгцэн эрдэм ном хөөж өссөн. Эх орныхоо хөгжилд хувь нэмэр оруулахад чухал нөлөөтэй учраас эдийн засаг, бизнесийн мэргэжлийг сонгож эзэмшсэн.  Банк санхүү, үйлдвэрлэл, барилга зэрэг олон салбарт ажиллаж туршлага хуримтлуулсан.

Хорооны иргэд маань юунд санаа зовж, юуг сайжруулах, хотынхоо хөгжилд ямар үгээ хүргэхийг хүсдэг гэдгийг мэддэг. Эх орноо хөгжиж дэвшээсэй, амьдарч байгаа хороо дүүргээ илүү сайн сайхан болоосой гэж хүсдэг олон залуусын нэг.

Дүүргийнхээ хөгжиж дэвших боломжийг судалгаатайгаар бүрэн дүүрэн ашиглаж, хүртээмжтэй болгохыг зорьж байна.

Хүндэтгэсэн,

Батжаргалын БИЛЭГТСАЙХАН

Судлаач залуучуудынхаа хүчээр дүүргээ хөгжүүлье

Дүүргийн ИТХ эдийн засаг, нийгэм, олон нийтийн асуудлыг тодорхойлох олон шийдвэрийг гаргадаг. Миний нэг анзаарсан зүйл бол тооцоо, судалгаа аль ч шатанд бага байна. Иймээс мэргэшсэн судлаачдын мэдлэг туршлагыг дүүргээ хөгжүүлэхэд ашиглах хэрэгтэй байна. Батжаргалын Билэгтсайхан бол судалгааны салбарт танигдсан, чадварлаг мэргэжилтэн. Ийм залуус дүүргээ хөгжүүлэхээр Дүүргийн ИТХ-д нэр дэвшиж байгаад баяртай байна.

Цэрэг эх оронч удамтай хүү

Бид Төв аймгийн Алтанбулаг сумын харьяат, эцэг эхээс арвуулаа. Миний тав дахь дүү маань Батжаргал юм. Батжаргал маань Цэргийн тусгай дунд сургууль төгссөн офицер хүн байсан. Сэлэнгэ аймгийн байцаан өнгөрүүлэх, Дорнод аймгийн Сүмбэр сумын Бурхантын заставт ажиллаж байсан, цэргийн хүн байлаа. Иймээс ч бага наснаасаа л цэргийн амьдралд ойр өссөн Батжаргалын  Билэгтсайхан маань даруу төлөв, аливаа ажилд цуцдаггүй, цэргийн хүний дайчин чанарыг өвлөн авсан нь бахархууштай.

Билэгтсайхан аливаа ажил хэрэгт туйлбартай ханддаг

Өвөө аав Г.Аниа нь Увс аймгийн Бөхмөрөн сумын уугуул. Миний аав Хүрэн-Алаг мужаан хүн байсан. Миний бие ЗХУ-д Байгалийн ухааны чиглэлээр дээд сургууль төгссөн, зохиолч, орчуулагч хүн юм. Билэгтсайхан нь мэргэжлийн өндөр чадвартай, англи хэл эзэмшсэн, аливаа ажил хэрэгт туйлбартай ханддагт нь ууган нагацын хувьд миний бие баяртай явдаг юм. Энэ утгаараа дүү маань Дүүргийн ИХТ-т нэр дэвшиж байгааг дэмжиж байна. Энэхүү чухал ажлыг үр бүтээлтэй, нэр төртэй хашиж чадна гэдэгт итгэж байна.