Сурталчилгааг олон нийтэд цацахаас өмнө "туршиж" үзэх үе шат юм.

• Мессежийн туршилт (Concept Testing): Сурталчилгааны санаа нь хэрэглэгчдэд ойлгомжтой байна уу? Тэдний анхаарлыг татаж чадаж байна уу?
• Сувгийн сонголт: Зорилтот хэрэглэгчид хаана хамгийн их цагийг өнгөрөөж байна вэ? (Facebook, Instagram, TV, Гадна сурталчилгаа г.м).
• Бүтээлч шийдэл: Видео, зураг, текст нь брэндийн төрх байдалд нийцэж байгаа эсэхийг шалгана.
• Цаг хугацааны төлөвлөлт: Хэзээ цацвал хамгийн өндөр хандалт авах вэ?

Сурталчилгаа явж байх үед бодит үр дүнг тоон үзүүлэлтээр хэмжинэ.

• Зар сурталчилгаа хүрсэн байдал: Зар сурталчилгааг нийт хэдэн хүн, хэдэн удаа үзсэн бэ?
• Engagement: Хүмүүс лайк дарж, сэтгэгдэл үлдээж, цааш түгээж байна уу?
• Холбоос дээр дарж үзсэн хүний тоо (Click-Through Rate-CTR) : Сурталчилгааг үзсэн хүмүүсийн хэдэн хувь нь холбоос дээр дарж вэбсайт руу орсон бэ?
• Нэгж худалдан авалтын өртөг (CPA): Нэг хэрэглэгчийг татахын тулд хэдэн төгрөгийн зар сурталчилгааны зардал гаргаж байна вэ?

Сурталчилгаа дууссаны дараа үр дүнг шинжилж, дараагийн удаад юуг анхаарахыг тодорхойлно.

• Брэндийн өсөлт: Сурталчилгаа явагдсанаар брэндийн танигдсан байдал хэдэн хувиар өссөн бэ?
• Хөрөнгө оруулалтын өгөөж: 1 төгрөгийн зар сурталчилгаа бүрээс хэдэн төгрөгийн борлуулалтын орлого олсон бэ?
• A/B тестийн үр дүн: Ямар төрлийн зураг эсвэл текст илүү сайн үр дүн үзүүлснийг харьцуулж, ирээдүйн зарын загварыг сайжруулах.
• Сөрөг нөлөөллийн шинжилгээ: Сурталчилгаа нь брэндийн нэр хүндэд сөргөөр нөлөөлсөн зүйл байгаа эсэхийг шалгах.

Зар сурталчилгааны үр дүнг дүгнэхдээ дараах 3 түвшинд авч үзнэ:

1. Танин мэдэхүйн түвшин: Хүмүүс сурталчилгааг санаж байна уу? (Recall)
2. Сэтгэл хөдлөлийн түвшин: Хүмүүст сурталчилгаа таалагдсан уу? (Attitude)
3. Зан төлөвийн түвшин: Хүмүүс сурталчилгааг үзээд худалдан авалт хийсэн үү? (Action)

Зар сурталчилгааг зүгээр нэг "цацах" биш, харин судалгаанд үндэслэн төлөвлөж, датагаар хэмжиж, алдаагаа засаж явбал маркетингийн төсвийг хэмнэх, үр ашигтай зарцуулах, бодит ашиг болж ирнэ.