Судалгааны мэдээлэл цуглуулалт

Судалгааны компанийн “Судалгааны мэдээлэл цуглуулалт” нь аливаа судалгааны ажлын чухал суурь хэсэг бөгөөд судалгааны үнэн зөв, чанартай үр дүнг баталгаажуулдаг газар юм.

Мэдээлэл цуглуулалтын үе шатанд нь судалгааны төлөвлөгөөнд заасны дагуу, өндөр чанартай анхдагч мэдээллийг найдвартай, оновчтой арга зүйгээр цуглуулж, боловсруулалтад бэлтгэх ажил хийгддэг.

Судалгааны мэдээлэл цуглуулах аргууд

Судалгааны мэдээлэл цуглуулалтын үед дараах ажлууд хийгддэг:

Мэдээлэл цуглуулах-Хэрэглэгчийн санал асуулга, ярилцлага, ажиглалт болон бусад аргаар анхдагч мэдээлэл цуглуулах.
Чанарын хяналт-Цуглуулсан мэдээллийн үнэн зөв, бүрэн бүтэн байдлыг шалгах, хянах.
Судалгааны ёс зүй-Олон улсын ESOMAR судалгааны ёс зүйн стандартыг дагаж мөрдөх, оролцогчдын хувийн нууцыг хамгаалах.
Танилцуулга хийх-Цуглуулсан мэдээллийн эхний үр дүн, явцын тайланг судалгааны багт танилцуулах.

Бид орчин үеийн судалгааны компаниудын адил мэдээлэл цуглуулалтын үйл явцыг технологийн дэвшил ашиглан илүү хурдан, үр дүнтэй хийж ирсэн.

Манай компаниийн мэдээлэл цуглуулах гол аргууд:

CAPI (Computer-Assisted Personal Interviewing)

Судалгааны ажилтан таблет ашиглан оролцогчтой нүүр тулан ярилцаж, хариултыг шууд системд оруулдаг арга юм.

- Хариулт бүр шууд системд бичигддэг тул алдаа багатай

- Зураг, видео, газрын байршил зэргийг цуглуулах боломжтой

- Судалгааны хяналт сайн

CATI (Computer-Assisted Telephone Interviewing)

Судалгааны ажилтан утсаар ярьж, хариултыг компьютерийн програмд оруулж мэдээлэл цуглуулдаг арга юм.

- Хурдан хугацаанд өргөн хүрээнд судалгаа хийх боломжтой

- Төвлөрсөн хяналттай, чанарын хяналт сайн

- Судалгааг нэг стандартаар авдаг

CAWI (Computer-Assisted Web Interviewing)

Судалгаа интернет орчинд явагдаж, оролцогчид өөрсдөө онлайн хэлбэрээр cудалгаанд оролцдог арга юм.

- Маш хурдан авах боломжтой

- Газарзүйн байрлал хамаарахгүй

- Дүн шинжилгээ хийхэд хялбар

- Дизайн, мультимедиа элемент оруулах боломжтой

CLT (Central Location Test)

Судалгаанд оролцогчдыг тодорхой нэг төв байршилд (жишээ нь: худалдааны төв, судалгааны байгууллагад) цуглуулан, туршилт, бүтээгдэхүүний сорил, видео үзүүлж судалгаа хийдэг арга юм.

- Хяналттай орчинд туршилт хийх боломжтой

- Оролцогчдын хариу үйлдэл, зан төлөвийг ажиглах боломжтой

- Бүтээгдэхүүн турших, амт үнэрлэх, дизайныг үнэлэхэд оновчтой судалгааны арга

FGD (Focus Group Discussion)

6–10 хүний бүрэлдэхүүнтэй бүлгийн хэлэлцүүлэг хийх арга. Модератор удирдан чиглүүлдэг чанарын судалгааны арга юм.

- Гүнзгий ойлголт, хандлага, сэтгэгдлийг илрүүлэх боломжтой

- Оролцогчдын хооронд санаа солилцох замаар шинэ санаа гаргах боломжтой

- Брэнд, бүтээгдэхүүний ойлголт, хүлээлтийг судлахад тохиромжтой

IDI (In-Depth Interview)

Нэг хүнтэй ганцаарчилсан, гүнзгий ярилцлага хийдэг чанарын судалгааны арга юм.

- Хувь хүний дотоод сэдэл, үзэл бодлыг гүнзгий судлах боломжтой

- Нууцлаг, эмзэг сэдэвтэй судалгаанд тохиромжтой

- Уян хатан бөгөөд, ярилцлагыг гүнзгийрүүлж авах боломжтой

Утсаар судалгаа авах төв

Судалгааны программ хангамжид суурилж, мэргэшсэн судлаачид утсаар мэдээлэл цуглуулдаг нэгж юм.

Бид мэдээлэл цуглуулалтын ажилд CATI (Computer Assisted Telephone Interview) аргыг ашиглан орон зайнаас үл хамаарсан орон даяарх судалгааг хийж байна.

Хурдтай, үр ашигтай-Богино хугацаанд олон хүнд хүрэх боломжтой. Манай судалгаа авах төвөөс 10-20 судлаач зэрэг дуудлага хийх боломжтой.
Чанарын хяналт сайтай-Судлаачийн ажил, хариултын бүрэн шалгах боломжтой
Орон зайнаас үл хамаарсан-Алслагдсан бүс нутгийн иргэдээс ч утсаар холбогдож судалгаа авах боломжтой.
Стандарт орчин-Бүх судлаачид ижил программ, ижил заавраар ажилладаг тул судалгааны алдаа гарах магадлал багатай.